Allgemeng Hausreegelen fir den Home Luss Collini zu Suessem

Léif Gäscht

Dir hutt Iech fir den Home ” Luss Collini entscheet. Mir soen Iech Merci fir dëse Choix a wënschen Iech e flotten Openthalt. De Chalet gehéiert der a.s.b.l. “Frënn vun de Suessemer Guiden a Scouten”. Nëmmen duerch den Asaz vu ville Fräiwëllegen, kënne mir Iech den ugebuedene Präis garantéieren. Den Home an d’Campplaz ginn nëmme vu Benevollen verwalt an ënnerhalen. Mir wäre frou wann dir dat net wärend ärem Openthalt géift vergiessen!

 Ariichtung vum Haus:

  1. Kichen: Frigo, Bakuewen, Gas, Spullmaschinn, Kachgeschir, Glieser, Bestecker, Telleren, Tasen a Plattauën fir   ongeféier 50 Persounen,
  2. Dëscher a Still fannt dir an de grousse Säll,
  3. Zweestäckeg Better an den zwee Dortoiren, 22 resp 16 Better
  4. 3 Eenzelbetter am Dortoir fir Chef/tainen.
  5. Awer et stinn keng Bettwäsch, Decken oder Schlofsäck zu ärer Verfügung.
  6. D’Miwwelen däerfen net verréckelt ginn.
  7. Lift an behennertegerecht Sanitär

 Hausreegelen:

Den Home “Luss Collini” gëtt net kommerziell genotzt. D’Gerance ass benevole, all ufalend Käschte gi gréisstendeels vun de Locatioune gedeckt. Fir d’Locatiounskäschten sou kleng wéi méiglech ze halen, wäre mir frou wann dir dat wat hei steet géift respektéieren:

De Lokatär ass haftbar fir all Schued am oder um Haus, grad ewéi fir all Accident deen enger Persoun ënner senger Responsabilitéit geschitt. Aus deem Grond muss hien groussjäreg sinn. De Verwalter huet all Moment Zougang zum Haus.

De Lokatär ass gebieden all Schued am Haus oder un der Ariichtung ze vermeiden. Sollt awer eppes zu Schued kommen, muss de Verwalter doriwwer informéiert ginn.

Wann de Lokatär ukënnt, kritt hien e Schlëssel. Dësen däerf net un en Drëtten weidergereecht ginn. Geet de Schlëssel verluer, bezilt de Lokatär di ufalend Käschten fir den Ersatz.

 Fëmmen am Haus ass verbueden:

D’Fëmmen am ganzen Home ass strengstens verbueden. Dir sidd gebieden d’Äschebecheren ze benotzen déi bei all Entrée vum Home stinn. Geheit keng Stëmp op de Buedem, eng Zigarett verknascht 50 Liter Waasser.

 Hausdéieren:

Et ass verbueden, Hausdéieren mat an den Home ze bréngen.

 Nuetsrou:

Mir ënnerhalen eng frëndschaftlech Bezéiung mat eise Noperen a wëllen, dass dat och sou bleift. Dofir biede mir Iech d’Nuetsrou vun 22:00 – 7:00 Auer anzehalen.

 Iessen an Drénken ass op den Dortoirë verbueden !!!

 Propretéit:

Mir bieden iech, d’Haus an engem propperen Zoustand ze verloossen. Speziell d’Kichen an d’Sanitärsreim si bei ärem Depart ganz genau ze kontrolléieren.

 Keng Ëmännerungen am Haus:

Mir bieden iech d’Better an d’Matrazzen op hirer Plaz stoen ze loossen. Är Biller, Noriichten a Formulairen kommen op déi dofir virgesinne Magnéit – oder Pinnwänn.

 Knaschteg Schong:

Knaschteg Schong gehéieren net an d’Haus. Mir roden Iech, Schlappe mat ze bréngen.

 Dëscher a Still:

Mir bieden iech d’Dëscher an d’Still net mat eraus ze huelen. Fir den Bausseberäich stinn Dëscher a Bänken an der Garage. Dës mussen no Gebrauch op hir Plaz zeréck kommen.

 Dreckskëschten eidel maachen:

Fir d’Aarbecht vum Verwalter ze vereinfachen, soll dir d’Glas, de Plastik, an de Restmüll an di dofir beschrëften Dreckskëschte geheien.

 Präsenzlëscht ausfëllen:

Wann der ukommt, muss dir laut Gesetz eng  Präsenzlëscht vun alle Locatairen am Home ausfëllen.

Dir kënnt dat och schonn am Viraus maachen (Numm, Virnumm, Gebuertsdatum an Gebuertsort).

Dir kënnt déi Lëscht no der Locatioun erëm mathuelen. (Dateschutz)

 Beréng ëm d’ Haus:

D’Wiss hannert dem Home gehéiert och zum Haus. De Lokatär kann se selbstverständlech fir seng Aktivitéite benotzen. Et ass verbueden op der Feiertrap ze spillen!!!!

 Botzgeschier:

D’Botzgeschier steet an engem Raum am Keller niewent dem Lift

 D’Schlussbotzen get vun der A.s.b.l. vum Home Luss Collini ausgefouert (bezuelbar)

 Dicher:

D’Lokatäre mussen hir Spull- a Kichendicher matbréngen. Gebrauchsuweisungen vun der Kach- a Spullmaschinn sinn an der Kichen affichéiert.

 Futtist Material:

Mir bieden Iech, dem Verwalter all Schued ze mellen.

Kautioun: Am Fall vun enger Reservéierung muss d‘ Kautioun bannen 7 Deeg op eisem Kont sinn, soss gëtt den Datum erëm automatesch fräi geschalt an ass net méi garantéiert.

Am Fall vun enger Ofso an der leschter Woch virum Ufank vun  der Reservéierung, gëtt d’Kautioun net méi zreckerstatt.

Den Home ass net disponibel fir Privatfeieren.

 Rechnung:

D’Frënn schécken eng Schlussrechnung  mat der Post, déi w. e. gl. direkt ze begläichen ass.                                                                                                                                  ,

Virun der Ofrees:

  1. De Reschtoffall an déi dofir virgesinnen Dreckskëschten geheien.
  2. Di benotzte Reim si propper an uerdentlech ze verloossen. D’Pabeierkierf sinn eidel ze maachen. D’Dëscher an d’Still gi fiicht ofgemaach grad wéi d’Kichenapparater (Kachmaschinn, Spullmaschinn, Frigo, asw.)
  3. Di benotzte Reim, besonnesch d’Sanitäranlagen gi grëndlech gekiert.

Kamäin:

Et ass verbueden am Kamäin ze grillen. Wa Feier gemaach gëtt, muss d’hauseegent Holz gebraucht ginn.

Artikel 13 Kapitel B vun der Konventioun mat der Suessemer Gemeng:

D’ Gruppen “LGS” a “FNEL” hun Reservatiounsvirrecht op all déi aner Gruppen, wann se dat virum 1. November vum lafende Joer fir dat nächst Joer schrëftlech un d’a.s.b.l .”Frënn” eraginn.

 Wärend der Schoulzäit ass den Home Samschdes eréischt ab 16:30 Auer disponibel, a vu Méindes bis Freides nët disponibel

Wärend der Schoulvakanz ass den Home scho vu mueres un disponibel. 

                                                                                                                            äre Gerant